FAQs • North Miami, FL • CivicEngage

Èske pral gen yon komite pou sipèvize obligasyon an? Si se sa, ki objektif li e kijan komite sa a pral kenbe transparans pandan tout pwosesis aplikasyon an?: Si rezidan North Miami vote pou obligasyon yo pwopoze a pase, Administrasyon Vil la pral etabli yon Komite Sipèvizyon Prè Obligatwa Jeneral (Bond Oversight Committee) k ap gen ladan rezidan North Miami, anplwaye Vil la, ak otorite eli yo. Komite sipèvizyon an pral kontwole ak revize egzekisyon obligasyon an, pou kore efò Vil la ap fè pou kenbe transparans. Komite an pral gen ladan rezidan North Miami ak pwofesyonèl ki gen kalite eksperyans ki nesesè nan domèn finansman minisipal, enjenye, konstriksyon, achitekti, elatriye.

▼
North Miami General Obligation (GO) Bond - Creole

1. Ki sa yo rele yon Prè Obligatwa Jeneral (GO)?: Yon “Prè obligatwa Jeneral (ann anglè “General Obligation” oswa GO) se yon mwayen pou apiye dèt nan zafè finansye sou evalyasyon enpo “ad valorem.” Enpo saa “ad valorem” se sa ke trè souvan yo refere a enpo lokatif oswa taks sou pwopriyete. Votè yo dwe apwouve yon GO Bond prè anvan yo kòmanse aplike li.

2. Kijan mwen kapab kalkile obligasyon finansye pa mwen si yo adopte prè sa a?: Vizite GO Bond Calculator kote w ap kapab fè kalkil la, gras a yon zouti ki rele “GO Bond Debt Service Millage Calculation” nan seksyon “Dokiman Finansye” an ("Financial Documents”). Opsyon sa a pèmèt ou wè epi kalkile ki valè yon pwopriyete genyen daprè evalyasyon yo te fè, ak kantite lajan enpo pou yo peye sou pwopriyete sa a chak ane. Sit entènèt lan ofri de kalite kalkilatris pou obligasyon an. Premye kalkilatris la jwenn konbyen li koute an mwayèn pa ane, baze sou valè kay la ak kantite enpo yo peye sou kay la. Apre ke pwojè a fini SoLe Mia, nou atann aske montan an vin desann pou chak kay. Dezyèm kalkilatris la montre kantite lajan yo panse moun pral ekonomize gras a kantite lajan pwojè Sole Mia pral pèmèt yo ekonomize. Enfòmasyon finansye yo afiche sou sit entènèt la baze sou estimasyon ak sipozisyon. Kou reyèl yo, kalkil enterè ak evalyasyon konsomasyon yo pap final toutotan yo poko evalye ofisyèlman pasaj dèt la ak montan enpo yo lan.

3. Ki objektif Prè Obligatwa Jeneral Vil North Miami pwopoze an?: Objektif GO Bond Vil North Miami pwopoze an se pou finanse diferan pwojè reparasyon kapital, sa ki gen ladan reparasyon pak, pwojè wout, nouvo etablisman piblik, pwojè lojman abòdab, pwojè pou kenbe lòd nan kominote a ak pwojè teknoloji, ansanm ak prevansyon inondasyon ak pwojè dirabilite. Rezidan yo pral vote sou aplikasyon chak eleman ki nan obligasyon prè an nan yon eleksyon espesyal ki ap fèt nan dat madi 1ye me.

4. Konbyen kòb ke moun ki ap peye enpo nan vil la ap genyen pou kontribye nan NoMi GO Bon nan?: Kantite lajan ki pwopoze pou Prè Obligatwa pa ta dwe depase $120,000,000. Montan total la, ak enterè, sou yon delè de 30 ane, pral apeprè $132,217,000. Yo pwopoze 10 milyon dola pou akizisyon ak konstriksyon lojman abòdab pou yon sèl oswa pou plizyè fanmi. Pou enfrastrikti ak dirabilite, yo pwopoze 31 milyon dola pou repare twotwa, ranje lari a, epi pou jaden, ekleraj, espas vèt, transpò piblik, pwojè drenaj ak rezistans. Yo pwopoze yon total 2 milyon dola pou amelyorasyon teknolojik ki konsantre sou kenbe lòd nan kominote an, sekirite, ekipman lapolis, sèvè, Wi-Fi, kamera sekirite, difizyon ak operasyon ijans. Administrasyon Vil la pwopoze 77 milyon dola pou konsantre sou etablisman piblik ak lwazi, ki gen ladan yon konplèks gouvènman an, konstriksyon garaj, sant kominotè, yon nouvo konplèks jimnastik ak lòt reparasyon nan pak yo.

5. Si prè obligatwa a pase, ki aksyon ki nesesè anvan yo ka aplike Prè Obligatwa Jeneral an?: Vil la ta dwe jwenn direktiv nan men konsèy legal obligasyon an, epi kolabore avèk bank souskripsyon yo, ansanm ak anplwaye Vil la, pou prepare dokiman legal ak finansye ki nesesè pou vann obligasyon yo sou mache obligasyon minisipal la. Anplis de sa, yo ta dwe konsevwa ak prepare pwojè yo pou yo kapab bati.

6. Kisa pwojè yo ye e kisa bidjè an ye pou chak pwojè?: Baze sou repons rezidan North Miami ak Administratè Vil yo bay, obligasyon GO yo pwopoze an gen kat domèn konsantrasyon: Etablisman Piblik, Enfrastrikti ak Dirabilite, Amelyorasyon nan zafe Teknoloji ak Lojman Abòdab. Yon lis konplè pwojè posib yo disponib sou Entènèt sou www.NoMiGObond.com. Yo dwe prezante chak pwojè devan Konsèy Vil la pou yo apwouve li.

7. Kijan yo te chwazi pwojè ki gen rapò avèk obligasyon?: Vil la te òganize yon seri sesyon pou opinyon piblik an novanm ak desanm pase, ansnam avèk sesyon enfòmasyon piblik nan mwa Janvye ak Fevriye. Tout sesyon opinyon piblik ak pataj enfòmasyon yo, se Administrasyon Vil la ki te òganize yo, pou garanti repons dirèk nan men rezidan yo konsènan reparasyon ki pou fèt nan katye yo epi esplike piblik la kijan opinyon yo te gide obligasyon yo pwopoze an. Pwojè yo te chwazi yo, te baze sou rekòmandasyon anplwaye yo, opinyon piblik la te bay pandan plizyè reyinyon nan meri an, ak apwobasyon konsèy vil la.

8. Èske yo ka depanse lajan obligasyon an pou peye salè anplwaye ak otorite eli yo, oswa pou operasyon komèsyal detoulèjou, pou fè fèt oswa òganize evènman? Kijan yo pèmèt sèvi ak lajan obligasyon an?: Lajan pou Prè Obligatwa Jeneral la pa kapab sèvi pou peye frè operasyon detoulèjou. Yo kapab senpleman sèvi ak lajan an pou pwojè yo apwouve e ki endike nan kesyon referandòm obligasyon yo.

9. Pandan konbyen ane kontribyab Miami yo dwe bay kontribisyon pou Prè Obligatwa Jeneral an?: Obligasyon an pa pral depase 30 ane apati dat yo apwove’l la.

10. Èske y’ap apwouve montan obligasyon yo pa vèsman oswa yon sèl kou?: Yo atann aske yo apwouve montan obligasyon an an 4 tranch (oswa tiraj) sou 8 lane.

11. Èske pral gen yon komite pou sipèvize obligasyon an? Si se sa, ki objektif li e kijan komite sa a pral kenbe transparans pandan tout pwosesis aplikasyon an?: Si rezidan North Miami vote pou obligasyon yo pwopoze a pase, Administrasyon Vil la pral etabli yon Komite Sipèvizyon Prè Obligatwa Jeneral (Bond Oversight Committee) k ap gen ladan rezidan North Miami, anplwaye Vil la, ak otorite eli yo. Komite sipèvizyon an pral kontwole ak revize egzekisyon obligasyon an, pou kore efò Vil la ap fè pou kenbe transparans. Komite an pral gen ladan rezidan North Miami ak pwofesyonèl ki gen kalite eksperyans ki nesesè nan domèn finansman minisipal, enjenye, konstriksyon, achitekti, elatriye.